Lo CA de l’AIEO pòt recebre de demandas de sosten e de finançaments que seràn avaloradas per la comission scientifica del CA que se prononciarà sus l’atribucion de l’ajuda o del sosten.
Totas las publicacions e activitats beneficiant del sosten o finançament de l’AIEO devon mencionar aquela ajuda e utilizar lo logo.
L’AIEO prepausa tres grases diferents de sosten :
1. Un sosten institucional :
- Tota manifestacion o publicacion scientifica dins lo domeni dels estudis occitans pòt obténer lo labèl AIEO.
- Per far la demanda, los demandaires devon èsser sòcis de l’associacion, a jorn de lor escotisson.
- Mandar la demanda al secretari e a la presidenta 2 meses abans la data de la manifestacion o de la publicacion, acompanhada d’un descriptiu detalhat.
2. Una ajuda financièra
- Tota manifestacion o publicacion scientifica dins lo domeni dels estudis occitans pòt obténer una ajuda financièra de l’AIEO.
- Per far la demanda, los demandaires devon èsser sòcis de l’associacion, a jorn de lor escotisson.
- Per obténer lo sosten financièr ne cal far la demanda al secretari e a la presidenta 6 meses abans la data de la manifestacion o de la publicacion, acompanhada d’un descriptiu detalhat de la manifestacion o de las espròvas se s’agís d’un obratge. Una estimacion tan precisa coma possible del còst de la manifestacion o de la publicacion deu èsser joncha a la demanda.
Las demandas se pòdon far cada annada abans la fin del mes de febrièr (reponsa a la prima), abans la fin del mes d’agost per la segonda (reponsa a l’auton).
3. Una possibilitat de difusion de soscripcion
Per redusir lo còst d’una publicacion dins lo domeni dels estudis occitans o ajudar a sa publicacion, l’AIEO vos pòt permetre de difusar una demanda de soscripcion amb un prètz preferencial a l’ensemble dels sòcis de l’associacion.
- Per poder beneficiar del mandadís de la soscripcion a l’ensemble dels sòcis de l’AIEO, cal èsser sòci de l’associacion, a jorn de son escotisson.
- Per obténer la possibilitat de difusion de la soscripcion, ne vos cal far la demanda al secretari e a la presidenta 6 meses abans la data de la publicacion, acompanhada d’un descriptiu detalhat de la publicacion o de las espròvas.